Ginkompirmar ni Em Ang, city adminstrator kag executive director sang Emergency Operations Center Task Force sang Bacolod nga ila pagabuksan ang dugang nga 14 ka mga vaccination center matapos nag-abot ang kapin sa 20,000 ka doses sang mga Covid-19 vaccines sa siudad sini nga aga Mayo 11.
Dugang pa ni Ang nga ini ang pinakadamo nga batch sang mga vaccines nga nag-abot sa siudad rason nga dapat mabuksan ang iban pa nga mga vaccination center para ini ang gilayon nga magamit sa mga nabilin pa nga medical frontliners nga nagatrabaho sa mga individial doctor’s clinic, dental clinics, senior citizens kag ang may mga co-morbidities.
“Kun mavaccinate ang majority of them nga vulnerable dako ang ma reduce sa aton number of cases” siling man ni Ang.
Padayon man sa subong roll-out sang mga bakuna sa SMX Event Center para sa mga A1,A2 kag A3 sa priority list, samtang sa Ayala Malls naman gina bakunahan ang mga miyembro sang Integrated Bar of the Philippines kag mga fire kag rescue volunteers.
