PATEROS CITY– Patay ang isa ka dalaga samtang pilason naman ang duha sa nagluntad nga sunog sa Barangay Sta. Ana, Pateros City kahapon, Miyerkules, Abril 12.
Suno sa tag-iya sang balay nga si Socorro Origel, nagsugod sa ikatatlo nga panalgan ang sunog kun sa diin nagakatulog ang 22-anyos niya nga apo nga si Jaimelyn pasado las-5:00 sang hapon.
Suno kay Origel, dako na ang kalayo sang nagapangayo na bulig si Jaimelyn.
Nagtinguha sanday Origel kag ang amay ni Jaimelyn nga isalbar ang dalaga apang na-trap ini sa sulod sang balay.
Nagdangat sa 1st alarm ang sunog kun sa diin na-ulamid ang duha nila ka tupad balay.
Suno sa barangay, wala sang kuryente ang nasunog nga balay apang gin-aku naman ni Origel nga nagasindi sila sang kandila pero sa idalom lang nga panalgan.
Temporaryo naman nga magatinir sa multi-purpose complex sang Barangay Sta. Ana ang 10 ka pamilya nga naapektuhan sang sunog.
Nagpalab-ot naman sang bulig ang barangay sa mga nasunugan.*