Lunes nga adlaw, nagluntad ang “ammonia leak” kag sunog sa isa ka cold storage facility sa Navotas City.
Sa nasambit nga insidente nabawian sang kabuhi ang 16 anyos nga dalagita apang ginpalayag sang National Disaster Risk Reduction and Management Office (NDRRMO) nga gina “verify” pa sang mga otoridad kon bala may kaangtanan sa ammonia leak ang gintunaan sang kamatayon sang biktima.
Base sa report sang GMA News, las onse sang gab-i, Lunes, nagpanimaho na sang ammonia sa cold storage facility sa M. Naval Street sa Barangay NBBN, gani ginpagwa na sa lugar ang mga empleyado.
Matapos ang pila ka oras, may nagluntad nga pagsungaw kag nagtuhaw ang kalayo sa pasilidad.
Naglab-ot sa “third alarm” ang sunog, nagakahulugan nga kinahanglan ang 15 ka mga fire trucks nga mag responde.
Napalong sang mga bombero ang kalayo las 2:00 sang kaagahon, Martes.