Gin-isol sang Miss Universe Philippines organization ang deadline sang application para sa Miss Universe Philippines 2023.
Halin sa adlaw sang Enero 29 takna las-11:59 sang gab-i, gin-isol ini sa Pebrero 5 sa kaparehas nga oras.
“Be the next representative of the country in the most beautiful pageant in the universe!” suno sa Miss Universe Philippines Facebook page.
Dugang pa, pwede na maga-intra ang mga iloy ukon kasado na sa nasambit nga kompetisyon nga naga-edad 18 tubtob 27-anyos.
Ang magadaug sa pala-abuton nga kompetisyon ang magasunod sa tikang ni Miss Universe Philippines 2022 Celeste Cortesi nga iga-representar ang Pilipinas sa matabo nga 71st Miss Universe sa New Orleans, Louisiana, United States sa Enero 14 apang malantaw ini sa Pilipinas sa Enero 15.*