Ginpasegurado ni Iloilo Governor Arthur Defensor Jr nga sa indi madugay pagabuksan sini ang borders sa pila ka mga probinsya sa Western Visayas sa tion nga makita sini nga maayo na ang kahimtangan sang probinsya bangod sa padayon nga pagdugang sang kaso sang COVID19.
Sa pahayag ni Defensor sa isa k ainterbyu, “Ang gusto naton mabukas kung makita naton nga secured kita kapin pa sa iban nga borders. Di ba ang siling naton halin sang una, we are always open to lift restriction sa borders, basta maayo gid ang pagsirado sang aton nga mga gate, gate sang iban nga probinsya kag iban nga syudad.”
Dugang pa ni Defensor nga tuyo gid lamang sang pagserado sang mga borders amo ang paglimita kag pagkontrol sang mga LSI’s nga nagapadulong sa probinsya sang Iloilo nga halin sa Cebu.
Matandaan nga kahapon nagpanaog sang Executive Order Number 128-E si Defensor agud seraduhon ang mga borders pasulod sa probinsya.
