DICT wala ginpahanugutan ang extension sa SIM registration

Wala ginpahanugutan sang Department of Information and Communication Technology (DICT) ang ginhingyo sang mga telecommunications company nga palawigon ang deadline sang SIM registration.

Sa ginpaguwa nga statement sang DICT, panahon na nga unahon sang mga Pilipino ang pagparehistro sang SIM cards para batuan ang malapnagon nga scams kag crimes gamit ang SIM cards sa Pilipinas.

Halos isa nalang ka semana ang nabilin antes ang deadline sa Abril 26 kun sa diin, indi na mausar ang SIM kun indi ini rehistrado pagkatapos sang amo nga petsa.