Ginatugyan na sang Palasyo sang Malakanyang sa Kongreso ang pagpanghatag sang ikatatlo nga hugnat sang Social Amelioration Program (SAP) sa mga residente nga yara sa modified enhanced community quarantine (MECQ).
Ini ang nangin pahayag sang Palasyo matapos ginpaidalom sa MECQ ang Metro Manila, Laguna, Bulacan, Cavite kag Rizal humalin Agosto 4 tubtob 18.
Suno kay Presidential Spokesman Harry Roque, kinahanglan sang layi gikan sa Kongreso para sa pagpanghatag sang ayuda bangud indi mahimo nga gastuhon lamang ang kaban sang pungsod nga wala sang layi.
Sa idalom sang Bayanihan to Heal as One Act, makabaton sang P5,000 tubtob P8,000 ang kada pamilya nga naapektuhan sang COVID-19.
Ginabanta nga yara sa 18 milyon ka pamilya ang mahatagan sang pinansyal nga ayuda nagikan sa gobyerno.
