Pilason ang driver kag ang iya backrider sang ini sila ang makabunggo sa Isuzu Truck Mixer sa Hacienda Nalipay, Barangay 5 sa banwa sang Isabela, Negros Occidental, takna las 3 sini nga hapon, Mayo 8, 2021.
Gindala sa Isabela District Hospital sanday Mark Miraflores kag Johnny Orada, 35-anyos, pareho nga residente sang Crossing Magallon sa banwa sang Moises Padilla, Negros Occidental.
Sandig sa imbestigasyon sang kapulisan, nagapadulong sa sur nga bahin sang dalan ang mixer truck sang ini ang mabungguan sang Rusi nga motorsiklo nga ginamaneho ni Miraflores samtang sakay si Orada. Ang motor ang nag-overshoot.
Wala sang driver’s license nga ginpakita si Miraflores.
Naigo ang nawala na bahin sang truck, nga ginamaneho ni Arturo Villanueva, 47-anyos, kag residente sang Gardenville Subdivision sa ciudad sang Bacolod.
Gindala sa Isabela Police Station si Villanueva.
Magapauli na kuntani sanday Miraflores kag Orada sa ila puluy-an sang natabo ang aksidente.
Willing man si Villanueva nga magbulig sa kon ano ang kinahanglanon nanday Miraflores kag Orada.*
