Tuesday, July 16, 2024

DUHA ARESTADO SA BACOLOD, NALAKIP NA ANG AUSTRALIAN NATIONAL NGA GIN-ALEGAR NAGKUHA SANG DUHA KA MGA MENOR DE EDAD

- Advertisement -

Gin-rescue sang otoridad sang duha ka mga menor de edad halin sa yaya sini kag isa ka Australian national sa ginpatigayon nga operation sa Camelot Village, Barangay Estefania sa syudad sang Bacolod, takna las 12:57 sang hapon subong nga adlaw, Hulyo 19, 2021.

Photo during the rescue operation of Bacolod Police

Na-rescue ang duha ka mga kabataan nga naga-edad 9 kag 3 anyos.Nakabaton sang tawag ang duty investigator sang Station 4 halin sa Dumaguete City Police Station nga may natabo nga kidnapping sa Golden Gate Hotel, Dumaguete, kon sa diin imbulbado ang duha ka minors.

Tigayon nga na-rescue ang mga minors kag nadakop ang yaya nila kag ang Australian national, nga anay karelasyon sang iloy sang mga biktima.

- Advertisement -

Sandig sa imbestigasyon sang pulis, nagpalagyo ang nanay dala ang duha ka mga bata pakadto sa Dumaguete kay indi na ang iloy sa foreigner. Ang duha ka mga bata ang anak sang babayi sa una niya nga karelasyon.

Photo of the Australian national.

Ginkuha sang Australian national ang duha ka mga bata sa Dumaguete kag nagbalik sila sa Bacolod upod sang yaya.Suno sa foreigner, nahulog na ang boot sini sa duha ka mga kabataan apisar nga indi ini iya kaugalingon nga bata.Gindala na ang biktima kag ang duha ka persona sa Dumaguete.

Sarang magapangatubang sa kaso nga kidnapping ang yaya kag ang Australian national.*

- Advertisement -
Jinn Siatita
Jinn Siatita
Jinn Siatita, a radio reporter and a news writer in one of the local FM radio stations in Bacolod. Honed by the best and molded by experts.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles