PONTEVEDRA, NEGROS OCCIDENTAL– Arestado ang gina-alegar duha ka kawatan sa Tortosa Building, Rizal Street, Barangay II, Pontevedra, Negros Occidental kaina sang kaagahon, Abril 19, 2023.
Ginkilala ang duha nga sanday Armando Java, 37-anyos, may asawa, residente sang nasambit nga lugar kag si Vinlord Quimada, 25-anyos, may asawa, residente sang Barangay Hilamunan, Kabankalan City, Negros Occidental.
Suno sa report, nakabati sang kalas-kalas sa isa ka establisyemento ang isa ka concerned citizen kag gintawgan ang kapulisan.
Gilayon nag-responder ang kapulisan kag didto nadakpan ang duha sa sulod sang establisyemento.
Nakuha sa duha ang sling bag, P1,290 cash, 5-inches steel pipe, empty wallet kag duha ka wrenches.
Nakahunong karon sanday Java kag Quimada sa Pontevedra Municipal Police Station.*
