Duha Ka Persona Dakup sa Buy-Bust sa Barangay 8, Bacolod City

Gindakop sang mga katapo sang Police Station 2 ang duha ka persona sa ginpatigayon nga buy-bust operation sa Purok Narra Baybay, Barangay 8 sa syudad sang Bacolod, takna ala 1:50 sini nga hapon, Mayo 19, 2021.

Walo tanan ka sachets sang ginasuspetsuhan shabu kag P500 nga marked money ang nakuha sa mga nadakpan nga ginkilala kay Carl Noel Ramos kag Marimar Narvasa.

Subject sang operasyon si Ramos, nga ginakabig newly-identified drug personality.

Naghilibion naman ang mga magagmay nga bata ni Narvasa, samtang nagasyagit “Mama ko ya!” sa gwa sang ginpatigayunan sang buy-bust.

Ginabulubanta nagabalor P47,600 ang narekober nga ginasuspetsuhan shabu sa nasambit nga operasyon.*