Pilason ang duha ka pulis matapos ginlagas ang naga-angkasanay sa motorsiklo nga nagpaburot kag naglikaw sa checkpoint sa Sitio Dao, Brgy. Lemery, Calatrava, ala 1:10 kahapon sang hapon, Abril 22, 2023.
Ang duha ka pulis ginkilala sanday PSSg Rex Bacan kag Pat Rofer Villanueva mga miyembro sang PNP kag naka-assigned sa Calatrava Municipal Police Station.
Sandig sa imbestigasyon, nagpatigayon sang checkpoint ang Calatrava Municipal Police Station sa Brgy. Lemery sa amo nga syudad kun sa diin, ang motorsiklo nga ginasakyan sang naga-angkasanay ang nagpaburhot kag naglikaw sa checkpoint.
Ginlagas sila sang duha ka pulis nga nakaangkon sang mga samad sa lawas matapos ma-aksidente.
Gindala ang duha ka pulis sa Calatrava Municipal Hospital kag gindapatan sang bulong.
Samtang, narekober naman sang Calatrava MPS ang itom nga Honda TMX 155 nga ginbilin sang riders nga nagpalagyo sa wala mahibaluan nga direksyon.
Padayon karon ang imbestigasyon sang kapulisan sa posible identity sang mga nagpalagyo nga riders.