Ginpasidungan ang duha ka mga soldado nga gin-ambush patay sa Sitio Cambaga, Barangay Yao-yao sa banwa Cauayan, Negros Occidental, sang Sabado, Abril 3, 2021.
Ginkilala ang mga biktima nga sanday Sgt. Jhoem Meguillo kag Cpl. Alaster Balboa.
Sila ang gindul-ong na padulong Mindanao subong nga adlaw, Abril 4. Si Meguillo ang taga Zamboanga City, samtang si Balboa naman ang taga North Cotabato.
Si Meguillo kag Balboa ang nagapatigayon sang “information collection” sa pagsuporta sa Community Support Program teams sa lugar sang ila ang gin-ambush sang mga gin-alegar katapo sang New People’s Army.
Ang Barangay Yao-yao ang isa sa mga lugar sa Negros Occidental kon sa diin may mga sightings sang NPA.
Suno kay 15IB Commanding Officer Lt. Col Erwin Cariño nga ila ginapasidunggan ang pagkabayanihan kag pagsakripisyo sang duha nila ka mga upod. Dugang pa, siya ang luyag nga ipasiguro nga makuha ang hustisya sa ila kamatayon.*
