Nakaagom sang nagkalain-lain nga pilas sa iya nga lawas ang biktima nga ginkilala kay Ramir Mondia 58-anyos residente sang Barangay Zone 2, Pulupandan Negros Occidental matapos ginbuno sang suspek nga ginkilala kay Wennie Jauro 49-anyos residente sang Barangay Zone 1 sa amo man nga banwa.
Gilayon nga gindala sa Pulupandan rural health ang biktima apang ginbalhin man ini sa Bago city hospital para sa maid-id nga pagbulong.
Samtang yara naman sa kustodiya sa karon sang Pulupanan PNP ang suspek kag ang gin gamit sini sa kremin.
Samtang ginbuno naman sa puwak ang is aka 23-anyos nga lalaki nga ginkilala kay Christian Paul Molena 23-anyos residente sang Barangay I-A sa banwa sang Manapla matapos ang komusyon sa bahin sang suspek nga ginkilala kay Janroe Pratt Banaylo 36-anyos kag residente man sa amo nga Barangay.
Sa imbestigasyon sang Manapla PNP, nagasakay sa iya nga motorsiklo ang biktima upod ang isa ka angkas sini nga amigo sang hinali ginbungguan sang suspek nga nagadala man sang iya nga motorsiklo ang migo sang biktima.
Imbes nga magpangayo sang pasensia nangakig pa ang suspek kag didto na sabtanay ang duh aka bahin, ginpahog pa sang suspek nga balikan ang biktima kag pila gid lamang ka minute nagbalik ang suspek upod ang duha ka wala makilan-an nga pesona kag gilayon nga ginbuno sa puwak ang biktima.
Gindala naman gilayon sa ospital ang biktima apang ang suspek ang nagapabilin nga ‘at-large’ ukon nakapalagyo.
