Duha ka mga estudyante sang University of the Philippines (UP) ang pinakauna sa Pilipinas nga nakabaton sang scholarship sang Japan International Cooperation Agency (JICA) – Japan Aerospace Exploration Agency (JAXA) Network for Utilization of Space Technology (JJ-NeST).
Isa sa scholars si John Paul Almonte nga may study nga tuyo maghimo sang tracking system para sa ground sensor terminals nga pagagamiton sa satellite para sa remote data collection.
Posible ini magamit sa emergency communications, environmental monitoring, telemedicine, kag iban pa.
Samtang ang study naman ni Charleston Dale Ambatali amo ang nakasentro sa space-based solar power stations nga nagatipon sang power halin sa adlaw nga igapadala sa Earth agud mangin ‘stable source’ sang renewable energy.
“We’ve designed our human resource development in the Philippines especially in space technology to address long-term sustainability and impact. Hopefully, more young Filipinos will be encouraged to study space technology, and work with Japan,” suno kay JICA Philippines Chief Representative SAKAMOTO Takema.
