Ginmandu sang Department of Education ukon DEPED ang pagpatigayon sang earthquake kag fire drills sa mga pampubliko nga mga buluthuan sa bilog nga Pilipinas, sang makaduha ka beses sa kada bulan.
Suno sa DEPED, dapat indi pagpahibalo sa mga estudyante ang drills nga ipatigayon sa kada una kag ikatatlo nga semana sang bulan.
Mismo ang mga school heads kag school disaster and risk reduction management coordinators ang magapanguna sa pagplano, implementasyon kag pag monitor sang drills nga ipatigayon sa mga public schools.
Ginmanduan naman ang opisyal sa mga buluthuan sa National Capital Region kag mga malapit nga probinsya sa NCR nga magdihon sang separado kag “specific” nga disaster plan para sa posible nga pagluntad sang magnitude 7 nga linog.*