Impraktikal kung i-laragway ni COVID-19 National Task-Force Chief Implementer Carlito Galvez Jr., ang ginaplano sang ciudad nga ibalik sa ECQ ang ciudad sang Bacolod.
Sa ginpahayag ni Galves, mahimo guid lamang nga mapatuman ang ‘Surgical ECQ’ sa mga lugar ukon area nga may madamu nga kaso sang COVID19 kag indi ang bilog nga banwa ukon ciudad, sandig man sa rekomendasyon sang World Health Organization.
Para kay Galves wala nagakadapat ang pagbalik sang ECQ sa Bacolod bangod magamay gid lamang ang mga Barangay nga may yara sang local cases.
Kon matabo ang liwat nga pagpa-idalum sa ECQ, labing maapektuhan ang socio-economic kag mahimo maapektuhan man ang ekonomiya sang ciudad.
Ginkompara man ni Galves ang sitwasyon sa ciudad sang Bacolod kompara sa Metro Manila kag Cebu kag tuman kalayo para kay Galves ang ginaayo nga pagbalik sang ECQ sa ciudad.
