Patay ang isa ka Egyptian bombmaker kag duha ka miyembro sang Abu Sayyaf group matapos maka-engkwentro ang tropa sang militar sa Sulu.
Suno kay Lieutenant General Corleto Vinluan Jr., hepe sang Western Mindanao Command, nakilala ang Egyptian nga isa ka Yusop nga bata sang isa ka babayi nga responsable sa suicide bombing attack sa military detachment sa Indanan, Sulu sadtong Setyembre 2019.
Ginkilala naman ang duha nga napatay nga ASG member nga sanday Abu Khattab Jundullah alyas Saddam kag isa ka Akram.
Suno kay Vinluan, nagdugay sang napulo ka minute ang pagbayluhanay sang luthang sang duha ka grupo sa Barangay Ipasan.
Gindala na ang bangkay sang tatlo sa Kuta Heneral Teodulfo Bautista sa Jolo.
Narekober naman sa lugar sang engkwentro an gang tatlo ka matag-as nga kalibre sang pusil kaangay sang M653, isa ka M203 ka isa ka R4.
Lakip man sa nakuha ang walo ka long steel magazine, mga bala kag iban pa nga mga personal nga gamit.
