Patay sa hospital kahapon nga adlaw ang isa ka empliyado sang Bacolod City New Government Center bangud sa Covid-19.
Suno sa ginpagua nga pahayag ni Mayor Evelio Leonardia, nga nagabuylog ini sa kalisod sang pamilya sang 48 anyos nga babayi kag empliyado sang ciudad nga ginbawian sang kabuhi bangud sa pneumonia 12:12 sang kaagahon Agosto 6, 2020.
Sang Hulyo 27 nagpaidalum ini sa home quarantine kag isolation matapus nga nagpakonsulta sa doktor bangud sa masami nga pag-ubo .
Gindugang pa sa pahayag ni Leonardia nga sang Hulyo 30 ginswab ang nasambit nga empliyado rason nga nagpadayon ini sa pagpaidaum sa home qurantine kag isolation.
Pila ka oras matapus ini ginbawian sang kabuhi kahapon sang kaagahon, naggwa ang resulta sang iya RT-PCR test nga positive ini sa COVID-19.
Gilayon man siya nga gincremate kahapon bilang pagsunod sa protocol sang DOH sa mga COVID-19 positive nga napatay.
Ginpangkuhaan na sang swab ang may yara sang close contact sa iya.
Ginphayag man sa press release sang alklade nga ang iya mga kaupdanan sa trabaho ang nakahibalo nga asthmatic ang biktima kag nagasuprer man sa “heart enlargement”.
Nagpaidalum siya sa RT_PCR test sadtong nagligad nga Hulyo 30 matapus sang posible exposure sa kaupod sini ang nagpositibo sa balatian kag gilayon ang biktimanagpaidalum sa home qurantine kag isolation.
Agosto 1, 2020, ginabudlayan ini nga magginhawa gani gin-admit sa hospital sang masunod nga adlaw apang ginbawian sang kabuhi kaagahon sang Agosto 6.
