Matapos ang Abril 17 nga deadline sa pag “file” sang ITR okon Income Tax Return, ginpahibalo sang Bureau of Internal Revenue okon BIR nga wala na ini sang extension.
Suno kay Commissioner Romeo Lumagui Jr., mahimo nga gamiton sang mga taxpayers ang “file and pay anywhere” nga proseso, nga ginpakilala na sang BIR sa publiko.
Ginpabutyag sang Commissioner nga wala na sang rason pa ang mga taxpayers nga indi mag comply kag magbayad bangud mas mahapos na kag “convenient” ang proseso.
Ang sin-o man nga mapaslawan nga magbayad sang taxes nga maglampas sa “deadline”, mahimo nga magbayad sang interests, surcharges kag penalties.*