Magapadala sang duha ka military planes kag 15 tons sang equipment sa Lebanon ang pungsod France.
Ang aid package ang ginalakipan sang duh aka military planes, 55 personnel, 15 tons sang equipment kag mobile clinic nga sarang makaatipan sang 500 ka pilason nga tawo.
Natalana nga magaabot ang mga personnel kag equipment bwas nga adlaw Huwebes.
Dugang pa diri, ginatinguhaan nga makadangat sa gilayon sa Beirut ang 10 ka emergency health professionals agud nga mag-assist sa mga ospital sa Lebanese capital.
Suno sa Elysée Palace, yara na sa lugar ang French members sang United Nations Interim Force in Lebanon (UNIFIL) agud nga mag-assist man sa krisis.
Nakigbahin man ang France sa Qatar, Kuwait kag Iraq nga nagpasalig nga magapadala sang field hospitals sa Lebanese capital.