RBSFM NEWSCENTER – 10,000 ka mga Caviteños ang natalana nga maga pasakop sa himoon nga human clinical trials sang duha (2) ka mga COVID-19 vaccines halin sa United States kag ang isa ang halin sa United Kingdom. Ini ang gin pahayag ni Cavite Governor Juanito Victor Remulla apesar nga si Presidente Duterte ang personal nga nag pili sang vaccines nga halin sa Russia kag China.
10,000 ka mga persona halin sa nasambit nga probinsya ang mangin kabahin sang Phase 3 sang ika apat nga phase sang clinical research nga ang tinutuyo amo ang pag hibalo sang efficacy kag posible nga adverse effects sang vaccine sa madamo nga grupo.
Dugang pa ni Remulla, libre ang vaccines sa 5,000 ka mga volunteers bangud ang nabilin nga 5,000 ang maga baton lamang sang placebo injection ukon wala sang therapeutic value.
Sa karon, wala pa sang vaccines nga naka kumpleto sang required clinical trials bag-o pa man makabig nga totally safe nga gamiton sa tawo.
