Nakaangkon sang negatibo nga mga reaksyon gikan sa mga netizens ang na-upload nga video angut sa pagdakop sang Silay City PNP sa isa ka lalaki pinaagi sa buy-bust operation sa Barangay Mambulac sa nasambit nga syudad kahapon Martes sang udto, Marso 23.
Sa Facebook post ni Mary Jane Comawas, asawa sang gindakop nga si Glenn Comawas, nagpabutyag ini sang pagkadismaya sa pag-arestar sa iya nga bana.
“Lantawa bi pagdakop niyo sa tawo. Daw sapat panulokan niyo kag grabi kastigo niyo plantedan nyu pagid,” suno kay Mary Jane.
Makit-an sa video nga ginalapak ang pilason nga bana sang tagreklamo.
Gintinguhaan sang Radyo Bandera News Team nga makuha ang bahin sang Silay City PNP, apang tubtob sa karon wala pa ini makahatag sang ila pahayag.
with reports from Nico Delfin | Jinn Siatita
