Patay ang ginapatihan duwa ka rebelde sa nagluntad nga engkwentro sa Barangay Nagbinlod, Sta. Catalina, Negros Oriental alas 6:00 kaina sang aga kadungan sang founding anniversary sang New People’s Army (NPA), Marso 29, 2021.
Base sa inisyal nga impormasyon, isa ka platoon sang tropa sang gobyerno ang nagpatrolya sa nasambit nga lugar sang ila na-engkwentro ang wala matumod nga armado nga kalalakinhan nga nagresulta sa pagkapatay sang duwa ka ginapatihan rebelde.
Nakuha man sa ginluntaran sang engkwentro ang mga masunod:
1. (1) M16 rifle
2. (1) Cal 22 Revolver Magnum
3. (3) pieces M16 short magazines loaded with ammos
4. (5) Unit assorted Cellphones
5. (1) Unit Handheld radio (Baofeng)
6. Assorted ammunitions
7. Mga subversive documents
Samtang, wala naman sang nareport nga napatay sa bahin sang gobyerno.
Padayon naman ang ginapatigayon nga clearing operation sa nasambit nga lugar.
