Nagturn-over sang 997 bags sang hybrid rice seeds kag 2,991 bags sang urea fertilizer si Gov. Bong Lacson nga ipanagtag sa mga farmer-beneficiaries sa siudad sang Himamaylan City bilang kabahin sang Rice Resiliency Project sang Department of Agriculture Region VI.
Ang Rice Resiliency Project ang yara sa idalom sang Agri 4Ps Program sang DA nga nagatuyo nga mapataas ang local rice production agud nga makabato sa global trade uncertainties kag mapasiguro ang food availability, accessibility kag affordability.
Ang Agri 4Ps Program ang kilala man bilang ALPAS sa COVID-19” or Ahon Lahat Pagkaing Sapat Kontra COVID-19.
Sa idalom sang nasambit nga proyekto, ang probinsya sang Negros Occidental ang may yara sang total allocation nga 21, 364 bags sang hybrid rice seeds nga may 64, 092 bags sang urea fertilizer nga ipanagtag sa irrigated areas sa bug-os nga probinsya.