Gindayaw ni Governor Eugenio Jose Lacson ang siudad sang Sipalay sang nangin lihok apisar nga nagnubo ang active cases sang syudad sa diin, nagpatuman sang duwa ka semana nga temporary closure sa mga nasakpan sini nga resort bilang sabat sa panawagan agud mapunggan ang paglapta sang COVID-19.
Ilabi na nga ginakahangaw-an niya man karon ang pagsaka sang COVID- 19 active cases sa probinsya nga naglapaw na àng kadamuon kun ikumparar sang nagligad nga tuig 2020.
Sandig sa record sang Provincial Health Office as of April 15, nagdangat na sa 1,933 ang active cases sa probinsya kalabanan diri mga local cases mas mataas ini ikumparar sa 1,683 sang nagtimbo-ok ang COVID-19 cases sang 2020.
Ginsiling ni Lacson,indi kasubong sang nagligad mahimu nga malawigan bag-o pa mapanubo ang kaso sang active cases sa probinsya.
Gani luwàs sà ginapatuman nga curfew, nagapangabay sila sa mga resort owners sa probinsya nga magpatuman sang boluntaryo nga temporary closure sa sulod sang duha ka semana.
Ilabi na diri ang mga lugar may sobra sa isa ka gatus ukon yara sa third digit ang kadamuon sang active cases.
Ini sa tuyo nga mapaiway ang pagdagsa sang tawo ilabi na karon nga tig ilinit.
Nagapanguna sa mga lugar nga may madamo nga active càses ang San Carlos City, Kabankalan City, banwa sang Cauayan, siudad sang Himamaylan kag Cadiz, bago kag banwa sang Murcia.
Ang Negros Occidental nga may masobra na sa 9,000 ka confirmed cases ang nagapanguna sa Western Visayas nga may madamo nga COVID-19 cases.
Ginsundan ini sang Bacolod nga may 6,628 kag Iloilo City nga may 5,948 ka confirmed COVID- 19 cases.
