Grupo sang mga deboto sang Black Nazarene, handa i-isol ang kaso batuk kay Pura Luka Vega kun magapangayo ini sang pasaylo

Handa nga i-isol sang mga deboto sang Black Nazarene nga Hijos del Nazareno Central ang ila reklamo batuk sa drag queen nga si Amadeus Fernando Pagente ukon Pura Luka Vega kun personal ini nga magapangayo sang pasaylo sa ila.

Suno kay Alex Irasga, technical adviser sang Hijos del Nazareno Central, nga tawo lang sila kag handa sila magpatawad kun mapalapit kag magapangayo pasaylo sa ila si Pura Luka Vega.

Ginpasakaan sang kaso sang nasambit nga grupo sa Manila Prosecutors Office ang drag queen bangud sa pagbastos sini sa Black Nazarene kun sa diin nagsaot kag nagkanta ini sang ‘Ama Namin’ nga ginhimo niya rock remix.

Madamo naman ka mga lugar sa Pilipinas ang nagdeklarar nga persona non grata sa drag queen bangud sa ginhimo sini.*