Hinigaran Medical Clinic, Gin-inagurahan Na

Gin-inagurahan sang Miyerkules, Abril 7, ang duha ka panalgan nga Hinigaran Medical Clinic sa dalan Burgos, Barangay III-Poblacion sa banwa sang Hinigaran, Negros Occidental.

Nagpasalamat si Hinigaran Mayor Nadie Arceo sa suporta kag kooperasyon sang mga lokal nga opisyales kag nagkalain-lain nga ahensya sang gobyerno para sa pagpatuman sang proyekto nga makapasanyog sang kaayong lawas sang mga Hinigaranons kag mga residente sang mga kaiping man nga banwa kag ciudad.

Ginpasalamatan man sang alkalde ang suporta ni Negros Occidental Governor Eugenio Jose Lacson, kag sa ginhatag nga counterpart funds para sa mga proyekto sang banwa.

Ang medical facility ang mangin operational kung ma-comply na ang tanan nga permits kag licenses to operate.*