Iloilo City i-lockdown sang apat kaadlaw, fake news suno sa alkalde!

Wala sang kamatuoran suno kay Iloilo City Mayor Jerry Treñas ang nagalapta sa facebook nga ipaidalum sa apat kaadlaw nga lockdown ang ciudad.

Sa ginpahayag sang alkalde ginhambal sini nga wala ini sang plano nga magdeklara sang lockdown sa maabot nga Agosto 28-31.

Ginapakamalaot man ni Treñas ang naga sulat sang wala pulos nga balita online nga kon sa diin mahimo nga maka-papanic sa tawo.

Matandaan nga ang ciudad sang Bacolod kag probinsya sang Negros Occidental ang nauna na nga nagpabalo sa mga pumuluyo nga may yara sang apat kaadlaw nga lockdown bangod sa mass testing nga pagaobrahon sang lokal nga gobyerno.