Tuman nga kahadlok ang nabatyagan sang taga-Iloilo nga seafarer nga si Rodel Marcelo sang nasaksihan sini ang nagalinupad nga missiles kag rocket sa kahawaan sang pungsod Israel.
Ginpahayag ni Marcelo nga takna las 2:00 sang kaagahon ukon tig-palanyaga, masami nga makita kag mabatian ang pag-atake sang grupo nga Hamas nga gina-counter attack man ang pwersa sang Israel.
Yara sa karon si Marcelo sa Ashdod, Israel kun sa diin 10 nautical miles ang kalayuon sa apektado nga lugar nga amo ang Askelon, Israel.
Apisar sa padayon nga pagpang-bomba sang Hamas sa amu nga pungsod, padayon sa gihapon ang pagsulod sang barko sa mga port.
Madumduman nga nagsugod ang pagbomba sini lamang nga Oktubre 7 kun sa diin linibo ka mga tawo ang napatay sa nasambit nga giyera.*