Nabisto ang ginahimo nga katuntuhan sang isa ka iloy sa iya kaugalingon nga anak nga babaye sa Cebu City, matapos nga nakuha sang National Bureau of Investigation okon NBI ang kopya sang video nga ginabaligya sa internet.
Ginasulod sang iloy ang iya tudlo sa kinatawo sang apat ka tuig nga bata samtang ginakuhaan sang video ang iya kaugalingon.
Nadiskubrihan ang ginahimo nga pagpang-abuso sang iloy sa iya kaugalingon nga anak, matapos nga naaresto ang Norwegian national nga nakuhaan sang mga “child sexual abuse materials (CSAMs)”.
Bangud sang kremin, ginpasakaan sang nagkalain lain nga kaso ang iloy nga ginalakipan sang violation of Republic Act (RA) 9208, the Trafficking in Persons Act of 2003, RA 7610 or the Special Protection of Children Against Abuse, Exploitation, and Discrimination Act, RA 10175 or the Cybercrime Prevention Act 2002, and RA 9775 or the Anti-Child Pornography Act of 2009.
Mismo ang Department of Social Welfare and Development okon DSWD ang nagbulig agud maaresto ang suspek kag ma rescue ang biktima.
Base sa alegasyon, ginapadala sang iloy ang video sa iya ginahimo nga pagpang-abuso, sa iya kaugalingon nga anak, sa mga dumuluong kabaylo sang kuarta.*
