Mga takna las-6:30 sang aga sini nga Lunes, Marso 6, 2023 isa ka lalaki ang nasapwan sa iya puluy-an sa Barangay Camansi, syudad sang Kabankalan, Negros Occidental, nga wala na sang kabuhi samtang may higot pa ang liog kag naga-angot sa balayan.
Ang apo sa tuhod sang 56-anyos nga biktima ang nakakita sa iya nga wala na sang kabuhi. Gilayon naman nga nagpabalo ang apo sa tuhod sa iya amay nga nakita niya ang iya lolo nga may higot ang liog.
Gin padulongan sang iya sini nga hinablos sa pakisa (amay sang bata nga nakakita) kag suno pa sa iya, wala man ini sang kontra kag maayo man ini nga tawo.
Apang nakibot sila nga amo sini ang natabo sa iya nga tiyo.
Gindala ang lawas sang biktima sa Lorenzo Zayco District Hospital agud ipaidalum sa post mortem examination para mahibaluan kung ano ang kabangdanan sang iya sini kamatayon.*
