Isa na lang ka mataas nga opisyal sang Philippine National Police okon PNP ang wala nagsumiter sang iya courtesy resignation, apisar sang panawagan sang Department of Interior and Local Government okon DILG.
Matandaan nga ginhatagan sang isa ka bulan ang tanan nga generals kag colonels sa Philippine National Police, nga magsumiter sang ila resignation.
Pamaagi ini sang DILG agud limpyohan ang hanay sang PNP sa mga opisyal nga imbolbado sa iligal nga druga.
Kahapon martes, amo ang deadline sa pagsumiter sang resignations apang may isa pa ka opisyal nga wala nag sumiter apisar nga ini na ang “last day”.
Wala man ginbulgar ni DILG secretary Benhur Abalos kon sin-o ang opisyal sang PNP nga wala nag sumiter sang resignation.
Suno kay Abalos, ipaidalum sa screening kag husisa-on sang miyembro sang “five man committee” ang tanan nga courtesy resignations.
E sumiter naman sa NAPOLCOM okon sa National Police Commission ang mga resignations nga batunon sang komite kag liwat nga husisa-on.
Yari ang miyembro sang five man committee nga magabusisi sa ginsumiter nga courtesy resignations.
• Baguio Mayor Benjamin Magalong
• Chief PNP Police Gen. Azurin Jr.
• Former Secretary of National Defense, Gilbert Teodoro (sibilyan)
• Ret. Maj. Gen. Isagani Nerez, Undersecretary for Police affairs ng Office of the Presidential Adviser on Military Affairs
• “secret”
