Nadiskubrihan ang mga bangkay sang mga biktima sini gid lamang nga aga,miyerkules.
Pasado las 12:00 sang udto, kumpleto na nga nakuha sang punerarya ang apat ka mga bangkay gikan sa sulod sang puluy-an.
Kalakip sa mga nakuha nga bangkay gikan sa sulod sang puluy-an amo ang siyam ka tuig nga bata.
Base sa pagpangusisa sang Radyo Bandera, apat tanan ka mga bangkay ang nakuha sa puluy-an nga gin alegar ginapanag-iyahan sang pamilya Nombre.
Suno sa mga nagkuha sa apat ka mga bangkay , nagakaagnas na ang lawas sang mga biktima nga nakuha sa sala sang puluy-an, samtang ang isa naman nakuha sa terrace.
Nahibaluan nga naga trabaho sa abroad ang amay sang pamilya nga nagapanag-iya sang puluy-an.
Sa interview sang Radyo Bandera, tatlo ka adlaw na nga indi ma “contact” ang mga biktima, antis sila nasapwan nga wala na sang kabuhi.
