Sunday, January 29, 2023

ISA PATAY, ISA PILASON SA PAGPANGLUTHANG KAGAB-I SA BANWA SANG MURCIA

- Advertisement -

Dead-on-arrival sa Murcia Rural Health Center ang isa ka persona kag pilason ang isa pa, matapos sila ang ginpangluthang, sang wala makilal-an nga mga suspetsado samtang nagailinom sa balay sang isa ka certain Bonbon.

Radyo Bandera photo

Nagluntad ang insidente, takna las 8:35 sang gab-i, Marso 2, 2022 sa Purok 4, Barangay Minoyan, Murcia, Negros Occidental.Ang mga biktima ang ginkilala kay Arnold Saldo, 46 anyos, may-asawa kag si Romel Tabara, 30 anyos, may-asawa lunsay mga residente sang nahambitan nga lugar.

Radyo Bandera photo

Sandig sa imbestigasyon sang Murcia MPS, samtang ang mga biktima nagailinom-inom sa balay ni Bonbon bangud nagaselebrar sang kaadlaw ang sister-in-law sini, hinali na lamang nga nag-abot ang apat (4) ka wala makilal-an nga mga persona nga armado sang malaba kag nugbo nga kalibre sang armas-luthang kag ginpaarakan ang biktima nga si Saldo, nakaangkon sang igo sa nagkalain-lain nga bahin sang iya lawas si Saldo.

- Advertisement -

Samtang ang nasalabat naman ang isa ka biktima nga si Tabara kag nakaangkon sang pilas sa iya tiil.

Gilayon naman nga nagpalagyo ang mga suspek sakay sang ginapatiyan suv nga nagaduag sang puti.

Sa karon, padayon pa nga gina-imbestigahan sang Murcia PNP kun ano ang background sang biktima agud mahibalo ang posible nga anggulo kag motibo sang mga suspetsado sa pagluthang sang biktima.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

- Advertisement -

Latest Articles