Nagkalamatay ang mga pasahero sang jeep nga gin anud sang baha sa probinsya sang Rizal sa Luzon.
Nagluntad ang insidente, samtang nagatabok ang jeep sa suba sang tinalikdan nga Sabado sang gab-i.
Base sa report, indi magnubo sa walo ang mga pasahero sang jeep nga nagkalamatay sa insidente.
Kalabanan sa mga nabawian sang kabuhi sa trahedya amo ang mga senior citizens nga nagkuha sang ila ayuda sa Department of Social Welfare and Development okon DSWD.
Nahibaluan nga duha ka mga salakyan ang nagtabok sa suba, nga lunsay gin rentahan sang mga nagkuha sang ayuda sa banwa sang Tanay.
Suno sa mga nakasaksi, manabaw pa ang suba kag nakatabok pa ang una nga jeep, apang sang nagatabok naman ang ikaduha nga jeep, hinali lang nga nagdaku ang tubig kag naanud ang salakyan.*
