Nagalaum ang volleyball veteran nga si Jia de Guzman nga mangin kabahin sa Korean Volleyball League matapos nagpasa ini sang application.
Si De Guzman ang ginkilala bilang Finals Most Valuable Player sa team sang Creamline Cool Smashers sa nagtakop nga Premier Volleyball League All Filipino Conference.
Pagahiwaton naman ang pagpili sang imports sa KVL sa maabot nga Abril 21.
“I submitted an application, [but] they cancelled actually the face to face tryouts. They are relying on videos and the drafting will happen on third week of April, so doon malalaman if a team is interested and getting us yung mga nag-apply,” suno kay De Guzman.
Nagasuporta naman ang team sang Creamline kay De Guzman sa ginsumiter nga application para sa KVL.
Sa karon, naga-focus si De Guzman sa pala-abuton nga Southeast Asian Games.
Nag-submit man sang application sanday Dindin Santiago-Manabat, ML Phillips, Mylene Paat, Majoy Baron kag Iris Tolenada nga lunsay pro-volleyball player sang PVL.*
