Ginsabat sang kampo ni Manila Mayor Isko Moreno angut sa mga report sang pag-isol sang beterano nga broadcaster nga si Noli de Castro sa pagpadalagan bilang senador sa idalom sang Aksyon Demokratiko.
Suno kay Lito Banayo, nagapamuno sang campaign team ni Domagoso, ginarespeto san alkalde ang persona nga desisyon ni De Castro nga indi na magpadayon sa iya nga kandidatura kag magbalik nalang sa broadcasting.
Ginpanginwala man ni Banayo ang mga nagalapta nga report nga may problema sa isyu sang pondo para sa kampanya.
Suno pa kay Banayo, indi ma-apektuhan sang pag-atras ni De Castro ang kampanya ni Domagoso.
Ginkumpirmar man ni Banayo ang paghalin sa pwesto sang chief of staff ni Domagoso nga si Cesar Chavez apang ginklaro sini nga wala sang kaangtanan ang pag-isol ni De Castro.
