Yara sa 1,752 nga mangunguma ang naidugang sa listahan sang makabenepisyo sang financial assistance sang Department of Agriculture (DA) sa Caraga Region.
Ang nasambit nga mangunguma amo ang nakabaton sang tig-P5,000 cash aid nga ginpanghatag sang DA sa pito ka banwa sang Dinagat Islands sumugod sadtong Oktubre 24 tubtob 28.
Ginpanghatag ang ayuda sa bulig sang Rice Competitiveness Enhancement Fund-Rice Farmers’ Financial Assistance (RCEF-RFFA) program sang ahensya.
Nagdangat sa P8.8 milyon nga cash assistance distribution ang ginpanghatag sa mga mangunguma.
Nagpahayag naman sang pasasalamat ang mga benepisyaryo sang financial assistance sang DA kag ginsiling nga madako nga bulig ini para sa ila nga pamilya nga nagabangon sa gihapon sa tunga sang pandemya sang coronavirus disease 2019.
via Balita