3,980 na ka mga indibidwal ang nagpositibo sa Cholera sa bilog nga Pilipinas, humalin sang Enero 1 tubtub Oktubre 8, sini nga tuig.
Sang tinalikdan nga tuig, 1,077 lamang ka mga persona ang nakaangkon sang nasambit nga impeksyon.
Suno sa DOH, nagsaka sang 270 porsyento ang kaso sang Cholera sa Pilipinas sini nga tuig kumparar sa kaso sang tuig 2021.
Kalabanan sa mga naapektuhan kag may mataas nga kaso sang Cholera amo ang masunod nga mga lugar:
Eastern Visayas – 2,678
Davao region – 441
Caraga – 289 cases
Humalin sa bulan sang Setyembre tubtub Oktubre okon sa sulod lamang sang isa ka bulan, na record sang DOH ang 245 ka mga kaso sang cholera sa bilog nga Pilipinas.
Kalakip sa mga lugar nga may madamu nga kaso sang cholera sa sulod sang isa bulan amo ang mga masunod:
Eastern Visayas – 147
Western Visayas – 51
Bicol region – 26
Suno sa DOH, 37 na ka mga indibidwal nga nagpositibo sa Cholera sa bilog nga Pilipinas, nabawian na sang kabuhi.
Ang cholera isa ka balatian nga tuga sang bacteria nga Vibrio cholerae bacteria.
Kalakip sa mga sintoma sini amo ang mga masunod:
diarrhea
vomiting
leg cramps
