Kapin 90 ka mga Negrense nga na stranded sa Tabuelan port sa Cebu, nakaabot na sa Probinsya!

Nag-abot na sa probinsya ang kapin 90 tanan ka mga Negrense nga na stranded sa Tabuelan Port sa Cebu kag nagdungka ang mga ini sa Escalante port.

Ginpangunahan sang lokal nga gobyerno ang pag-rescue sa mga nasambitan nga mga Negrense, kon sa diin ginpangsugat ang mga ini sang apat tanan ka mga bus kag isa ka ambulansya halin sa nagkalain-lain nga local government units.

Ginpangdul-ong naman sa nagkalain-lain nga quarantine facility ang mga negrense para sa nagakaigo nga isolation kag PCR-Test.