BACOLOD CITY– Negatibo ukon wala sang bomba nga nakit-an sa buluthuan sang St. John Institute, sa syudad sang Bacolod, subong nga Biyernes, Disyembre 9, 2022.
Suno sa interview kay Lieutenant Jonito Pastrana, officer-in-charge sang Police Station 2, sang nabaton nila ang mensahe angut sa bomb threat, gilayon nagkadto ang kapulisan sa nasambit nga buluthuan.
Dugang pa ni Pastrana nga gintawgan man nila ang bomb squad agud mag-check sa buluthuan kung sa diin wala sila sang may nakita nga bomba.
Pahayag naman ni Pastrana nga mahimo nga empleyado ang may kahimuan sang nasambit nga bomb scare bangud makapila na ka beses nga may gin-alegar nagapangsabotahe diri.
Padayon naman ang imbestigasyon sang kapulisan angut sa insidente. Magabalik klase sa nasambit nga buluthuan sa Lunes.*