- Advertisement -
Ginpakigbahin sang isa ka netizen ang mga litrato sang gintambongan sini nga kasal nga ginhiwat sa pinakamataas nga putukputukan sa Pilipinas, ang Mt. Apo.
Suno kay Deonnel Peren, dugay na ini handum sang magkahagugma nga sanday Nesgen Caburlan kag Lino Zerrudo nga lunsay gikan sa Iloilo kag hilig ang mountain climbing.
Indi pa kuntani matigayon ang plano bangud sa mabaskog nga hangin kag ulan nga dala sang bagyong #PaengPH.
- Advertisement -
Apang nangin maayo nga senyales ang manami nga pagbutlak sang adlaw sang Domingo, Oktubre 30 kag hinali nga nagsaka sila padulong sa summit sang bukid.
“My heart is so full right now. Thank you to all my loved ones and friends who supported us throughout our journey… To God be the highest journey,” suno sa post ni Nesgen.
- Advertisement -
