Kaso nga murder ginpasaka na sa nagluthang sa broadcaster nga si Percy Lapid

BACOLOD CITY– Ginpasaka na sang PNP ang kaso kriminal batuk kay Joel Escorial nga nag-aku sa pagpatay sa beterano nga broadcaster nga si Percy Lapid.

Kalakip man sa ginpasakaan sang kaso nga murder amo ang tatlo pa gid ka mga indibidwal nga ginhingadlan ni Escorial nga sanday Israel Dimaculangan, Edmund Dimaculangan kag alias Orly.

Ginluthang si Percival Mabasa okon mas kilala sa ngalan nga Percy Lapid sang programa nga Lapid Fire, samtang nagabyahe pauli sa Las Piñas sang tinalikdan nga Oktubre 3.

Nag surrender naman ang suspek nga si Escorial bangud sang kahadlok, matapos nga ginpakita sa publiko ang iya itsura.*