Matapos nga gin report ang pinaka una nga “fatality” okon napatay bangud sang Ebola virus sa Uganda, may anum pa gid ka mga persona nga nagpositibo sa virus sa nasambit nga pungsod.
Sang tinalikdan nga martes, gindeklarar sang health ministry ang Ebola outbreak sa Mubende, sa diin ginpahibalo man sang ahensya sa publiko nga nabawian na sang kabuhi ang 24 anyos nga nagpositibo sa virus.
May yara pa sang 43 ka mga persona nga ginakabig bilang “close contacts” sa diin napulo sa ila ang gina suspetsuhan nga nagpositibo na sa virus kag ginapaidalum sa treatment.
Sang tuig 2019, gin deklarar man ang Ebola outbreak sa Uganda, sa diin lima ka mga persona ang nabawian sang kabuhi.
Isa ka malala nga viral hemorrhagic fever ang Ebola infection nga may mataas sang death rate.
Kalakip sa mga sintoma sini amo ang hilanat, vomiting, bleeding kag diarrhea.
