Nagtaas ang kaso sang kawatay sa ciudad sang Bacolod sa una nga quarter subong nga tuig santo sa datus sang Bacolod City Police Office.
Nakasaad sa rekord nga humalin sa bulan sang Enero tubtob Abril, nagtaas sang walo ukon 19.05% ang kaso sang kawatay sa ciudad. Gikan sa 42 nagsaka ini sa 50.
May madamo nga narekord diri amo ang Police Station 1 nga may 17 gikan sa 5 tinalikdan nga tuig, ginsundan sang Police station 8 nga may walo gikan sa apat kag Police station 4 nga may anum gikan naman sa tatlo ka mga kaso sa kaangay nga period tinalikdan nga tuig.
Nagapanguna naman nga modus diri amo ang shoplifting nga may 20 nga narekord gikan sa 9 tinalikdan nga tuig.
Suno kay BCPO Director Police Colonel Manuel Placido, sa bulan sang Abril mas nagtaas ang kinawatay nga posible resulta sang kapigaduhon dala sang quarantine bangud sang pandemya.
Kalabanan sa ila mga nadakpan amo ang mga indibidwal nga nagakuha sang mga ginabaligya sa mga merkado kag mga gamit sa sulod sang mga dalagko nga mall.*
