Kiray gin-regalohan ang iloy sang P1M

Gin-regalohan sang anay Goin’ Bulilit Child Star nga si Kiray Celis ang iya iloy sang P1 milyones bilang birthday gift.

Base sa vlog ni Celis, nagpatigayon ini sang Q and A duel sa tunga sang iya ginikanan kag kun sin-o ang mangin madinalag-on ang makabaton sang P20,000.

Sa ulihi, nagdaug ang iya iloy kag ginpapili kun ang P20,000 ukon mystery box.

Sa pagbukas sang iloy ni Celis sang box, puno sang kalipay ang hitsura sini matapos makabaton sang P1,000,000 cash.

“Ito na ‘yong pinangako ko sa ’yo, isang milyon para sa ‘yo,” suno kay Celis.

Luyag ni Celis nga pagagamiton ini sang iya iloy para ipatindog sang bag-o nga balay kag iparentahan.

Nangin emosyonal naman ang mag-iloy pagkatapos sang rebelasyon.*