Patay ang 38-anyos nga lalaki matapos ini ginbuno sang kaupod inom sang makahulubog nga ilimnon sa Zone 5, Brgy. Tinongan, banwa sang Isabela kahapon nga adlaw sang Miyerkules, Oktobre 12.
Ang biktima ginkilala kay Regie Mesong y Paculanang, taga Sitio Canlusong, Brgy. Cansalongon, Isabela.
Samtang ang suspek ginkilala kay Joven Gabotero y Tecson, taga Sitio Buhi-an, Brgy. Tinongang, Isabela.
Base sa imbestigasyon sang kapulisan, naga inom-inom sang makahulubog nga ilimnon ang biktima kag suspek sang nagluntad ang mainit nga paglalisanay nga nagresulta sa pagbuno sang suspek sa biktima gamit ang wala matumod nga patalom.
Nakaangkon sang pilas sa dughan ang biktima kag ginhingagaw pa dala sa hospital apang nabawian gid ini sang kabuhi.
Padayon ang hot pursuit operation sang kapulisan batok sa suspek nga nagpalagyo matapos ginhimo ang krimen.