Tuesday, December 6, 2022

Lalaki ginlabo-patay sang kakilala nga nakaupod inom sa Escalante

- Advertisement -

ESCALANTE CITY – Patay na sang nasapwan ang bangkay sang lalaki nga ginlabo sa Sitio Lower Lunay, Brgy. Mabini, sa siudad sang Escalante sang Domingo sang gab-i, Nobyembre 20.

Ginkilala ang biktima nga si Ricardo Canieso, legal nga pang-edaron kag residente sang Sitio Tanquinto sa nasambit nga barangay.

Nahibaluan nga may yara sang selebrasyon sa lugar kag naga-inom ang biktima kag mga kakilala sini lakip ang suspek nga ginkilala kay Marvin Garcia, 25-anyos nga residente sang Brgy. Luna sa siudad sang Sagay.

- Advertisement -

Base sa inisyal nga imbestigasyon sang kapulisan, nagpauli ang biktima kag ginsundan ini sang suspek nga may yara na gali sang malain nga intensyon.

Paglab-ot na sa maligwin nga bahin sang lugar, gulpi na lamang nga ginlabo sang suspek ang biktima gamit ang dala sini nga espading.

Naigo ang biktima sa ulo kag butkon nga gintunaan sang iya hinali nga kamatayon. Gilayon nga nagpalagyo naman ang suspek.

Samtang nasapwan ang bangkay sang biktima pasado las-6 na sang aga pagkasunod nga adlaw sang Lunes, Nobyembre 21.

- Advertisement -

Related Articles

Leave a Reply

Stay Connected

- Advertisement -

Latest Articles