LINGAYEN, PANGASINAN– Nagasuksok sang antipara ang 22-anyos nga lalaki kun magguwa ini sa ila balay sa Lingayen, Pangasinan matapos mabulag ang isa niya ka mata bangud naagsikan sang ginamos.
Suno sa GMA Regional TV One North Central Luzon, ginpakigbahin ni Jerry Caguioa ang natabo sa iya sadtong Marso samtang yara sa sulod sang paktorya sang ginamos sa Nueva Ecija.
Nakabatyag si Caguioa sang hapdi sa mata tubtob indi na siya makakita.
“Mahapdi na po yung mata ko nu’n eh. Pagkatapos po nu’n, hinugasan ko na po. Pero kinuskos ko muna bago ko hinugasan kasi sobrang hapdi po niya. Wala po akong nakikita ngayon. Mahirap tanggapin na alisin po yung isang mata,” pahayag ni Caguioa.
Bangud sa pagkabulag, nadulaan ini sang kompiyansa sa kaugalingon.
Indi naman makakadto sa ospital si Caguioa bangud sa kapigaduhon.
Nagapanawagan naman ang iloy ni Caguioa nga kuntani mabuligan ang iya anak para sa operasyon.
Suno sa isa ka opthalmologist, magaresulta sa pagkabulag sang mata kun may mahigko nga bagay ang magasulod sa mata.
Nagahingyo naman ang doktor nga magasuksok sang proteksyon sa mata.*
